الـسَلآمُ عَلَيِكُمْ وَ رحمَة الله وَبَــــرَكَــآتُــه.
والصلاة والسلام علـى خاتم الأنبيـاء سيدنـا ونبينـا محمـــد , صلى الله عليــه وسلـم ,
- - / - - / - - / - - / - - / - -
واحد سخي بزاف
تحرقات ليه دارو..
ملي جاو البومبية قاليهم والله يما تحطو ايديكم فشي حاجة قبل ما تشربو القهوة
----------------------------------------------
واحد السيد اركب في الطاكسي وجاتو 196 ريال جبد 200 ريال وعطاها لمول الطاكسي وبغا الصرف
قالو مول الطاكسي معنديش 4 دريال داك السيد بقا يشوف ومشا لكلاكسون وقالو أرا بعدا نكلاكسوني
--------------------------------------------------------
قاليك هذي واحد الثانوية عملت رحلة لواحد الجزيرة مشاو في الطيارة و الطيارة وقع ليها عطب تقني.. والبيلوط ديال الطيارة تسيب بالباراشيت باش يعتق راسو المهم التلاميذ بقاو غير بوحدهم فالطيارة ناضو صحاب الشعبة ديال التيكنولوجيا صلحو العطب حتاش قاريين داكشي.. وصحاب العلوم الرياضية معا عندهم معا الزوايا والقياسات ساقوا الطيارة ... والأدبيين مالقلو مايديرو وهما يقولو ليهم (آه كدنا أن نقع) ههههههههههههههههه hado 7na
----------------------------------------------
هذا واحد الراجل كان غادي في الزنقة وقفات عليه واحد الشوافة وقالت ليه عطيني غير 100 درهم و نقول ليك اشنو عندك قال ليها كون كنتي كتعرفي بالصح كون عرفتي بلي ماعندي دابا حتا ريال في جيبي
-----------------------------------------------
واحد الراجل عرض على صحابو يجيو عندو لدار, ملي جلسو شوية هدروا قال ليهم شنو نسبقو أتاي ولا العشا ؟؟
قالو ليه العشا ! هو يقول ليهم توكلنا على الله نوضو تصليو !!!
-----------------------------------------------
هذا وحد الكسول كينعس 24/23 ساعة سولوه الناس شنو كدير في هديك الساعة
قاليهم كنديرالقيلولة
--------------------------------------------------------
هدا واحد كيموت بقا كيهدر مع مراتو او تيقول ليها مللي جراو علي من الخدمة كنت معايا مللي مرضت وقفتي معايا مللي جراو علينا مالين الدار بقيتي معايا بقا كيشوف فيها هو يقول ليها تفو منهار شفتك ما شفت الربح المنحوسة
---------------------------------------------------------
هدا واحد عرف رقم التلفون ديال واحد الجن ولا كل ساعة اسيفط ليه بسم الله الرحمان الرحيم.
---------------------------------------------------------
*قال ليك هادي واحد المرأة شارفة جأت من الحج , وهي تخرج في يوم الغد باش تفرق الشريحة و التمر على دراري صغار , المهم ركبات على حمارها و مشات وحد شوية و هو يدوز من حداها واحد القط و قال ليها صباح الخير الحاجة و هي تقفز و قالت هاويلي حتا من المشاش ولاو تيهضرو و هو يقول ليها حمارها هانتي تشوفي ألحاجة
---------------------------------------------------------
*قال ليك هدا واحد سكران طلع الطوبيس و هو يقول السلام عليكم , و حتى واحد مجاوبو , وهو يمشي القدام حدا الشيفور و نعت بيديه وقال ليهم هاد الجهة اليمنى ديال الحمير و اليسرى ديال البغال , و هو ينقز واحد من جهة ديال الحمير و قال ليه خويا أنا راه ماشي حمار و هو يقول ليه السكيري يلاه دوز الجهة ديال البغال
---------------------------------------------------------
المرجوا لكل من دخل هذا الموضوع ترك رد
ولو بسيط
لأنه من خلال ردودكم نستمر في مشاركاتنا
تحياتيـ ...
موضوع: ^_^ نكت مغــــــ(تموت من الضحك)ــبــيــــة ^_^ 